មកស្គាល់អាជីវកម្ម ៤ ដែលអាចកើបលុយបានច្រើនជាងគេ ខណៈជំងឺ Covid-19 កំពុងផ្ទុះខ្លាំង

ដោយសារមួយរយៈចុងក្រោយមកនេះយើងសង្កេតឃើញថា ជំងឺ Covid-19(កូរ៉ូណា) កំពុងតែរីករាលដាលពាសពេញពិភពលោកគួរឲ្យព្រួយបារម្មណ៍ ដែលធ្វើឲ្យប៉ះពាល់សេដ្ឋកិច្ចពាសពេញសកល ក្នុងនោះដែរក៏មានកម្ពុជាផងដែរ។ តែអ្វីដែលគួរឲ្យចាប់អារម្មណ៍នោះយើងក៏នៅឃើញមានអាជីវកម្មខ្លះកំពុងតែសំងំកើបលុយ បើទោះបីជំងឺ Covid-19 កំពុងតែផ្ទុះយ៉ាងណាក្ដី។ ដើម្បីកុំឲ្យរង់ចាំយូរ ថ្ងៃនេះ Business Cambodia សូមលើកយកអាជីវកម្ម ៤ ដែលអាចកើបលុយបានច្រើនជាងគេ ខណៈជំងឺ Covid-19 កំពុងផ្ទុះខ្លាំងយ៉ាងណាក៏ដោយ៖
១ ក្រុមហ៊ុនដឹកជញ្ជូន
ដូចដែរយើងបានដឹងស្រាប់មកហើយថា ដោយសារមានការផ្ទុះការឆ្លងរាតត្បាតខ្លាំង ដូចនេះហើយធ្វើឲ្យមនុស្សមិនសូវហ៊ានចេញពីផ្ទះមកខាងក្រៅនោះទេ ដូច្នេះហើយនេះជាឱកាសកើបលុយ របស់ក្រុមហ៊ុនណាដែលចេះចាប់យកឱកាសនេះ ជាពិសេសគឺក្រុមហ៊ុនដឹកជញ្ជូនតែម្ដង អ្នកអាចបើកជាសេវាកម្មដែលមានការដឹកជញ្ជូនឥវ៉ាន់ ឬផលិតផលឲ្យដល់ដៃអតិថិជន ដើម្បីផ្ដល់ភាពងាយស្រួលដល់ពួកគេ។
២​ អ្នកលក់ផលិតផលអនឡាញ
ក្នុងពេលនេះមិនថាខ្ញុំមិនថាគេនោះទេ ចង់មិនចង់គឺតែងតែគិតពីសុវត្ថិភាពសុខភាពផ្ទាល់ខ្លួន ជាចាំបាច់ព្រោះថាខ្លាចមានការឆ្លងដោយប្រការណាមួយកើតឡើងដោយយថាហេតុ។ ដូចនេះជាឱកាមាសសម្រាប់អ្នកលក់នៅលើទីផ្សារអនឡាញហើយ អ្នកអាចព្យាយាមស្វែងរកផលិតផលណាដែលជាកំពុងមានតម្រូវការក្នុងពេលនេះ ហើយបង្កើតឲ្យមានការដឹកជញ្ជូនដល់គេហដ្ឋានរបស់អតិថិជន ពេលនោះហើយលុយនឹងរត់មករកអ្នកជាមិនខានឡើយ។
៣. អាជីវកម្មប្រភេទចំណីអាហារ ឬភេសជ្ជៈដែលមានសាវាកម្មដឹកជញ្ជូនដល់ផ្ទះ
ពេលវេលានេះជាពេលកើបលុយហើយសម្រាប់អាជីវកម្មប្រភេទចំណីអាហារ ឬភេសជ្ជៈដែលមានសាវាកម្មដឹកជញ្ជូនដល់ផ្ទះ ជាទូទៅប្រសិនបើអ្នកបើកហាងលក់អាហារ ឬភេសជ្ជៈអ្នកត្រូវតែមានការដឹកជញ្ជូន ឬអ្នកអាចសហការជាមួយក្រុមហ៊ុនដឹកជញ្ជូនដើម្បីបង្កភាពងាយស្រួលដល់អតិថិជនបានមួយកម្រិតទៀតផងដែរ។ ហេតុនេះប្រភេទអាជីវកម្មមួយនេះពិតជាអាចឲ្យអ្នករកបានប្រាក់ចំណូលជាច្រើនក្នុងមួយខែៗខណៈពេលដែលជំងឺនេះកំពុងតែផ្ទុះខ្លាំងក៏ដោយ។
៤. ការធ្វើវីដេអូតាម YouTube
ការបង្កើតវីដេអូចែករំលែកតាម YouTube ជាប្រភេទមុខរបរមួយ កំពុងតែមានការពេញនិយមជាខ្លាំងពីមនុស្សគ្រប់ស្រទាប់ ហើយក្នុងនោះផងដែរមុខរបរបង្កើតវីដេអូតាម YouTube ក៏ជាមុខរបររកស៊ីដែលអាចឲ្យអ្នកទទួលបានប្រាក់ចំណូលខណៈពេលដែលជំងឺ Covid-19 កំពុងតែផ្ទុះខ្លាំងយ៉ាងណាក៏ដោយចុះ។ ដោយហេតុថានៅពេលដែលមានអ្នកចូលទស្សនាវីដេអូរបស់អ្នកកាន់តែច្រើន ពេលនោះនឹងធ្វើឲ្យលំហូរនៃប្រាក់ចំណូលអ្នកក៏មានការកើនឡើងខ្ពស់ទៅតាមនោះដែល៕
អត្ថបទដោយ៖ ប៉ិច សេងហ៊ាង